Монгол Улсын анхны 13 сургуулийн нэг, тэр тусмаа улсын анхны хөдөө хошууны сургууль болж байгуулагдан үйл ажиллагаагаа эхэлсэн түүхтэй ажээ.

Баяндунгийн сургууль 1923 оны 10-р сарын 15-нд анхны захирал Жигжидийн Дэлэгдоржийн удирдлага дор 2 багш, 42 сурагчтайгаар 2 эсгий гэр, 1 жижиг дүнзэн байшинд анхны жилийн хичээлийн нээлтээ хийсэн байна.

Сургууль маань 1968 онд 8 жилийн сургууль, 1991 онд 10 жилийн сургууль болж өргөжин 1993 онд 70 жилийнхээ ойгоор сургуулийн ахмад төгсөгч, төр нийгмийн нэрт зүтгэлтэн, эрдэмтэн зохиолч, Монгол Улсын ууган гавъяат багш, доктор профессор Д. Цэвэгмидийн нэрэмжит болсон юм. Өнгөрсөн хугацаанд 4700 гаруй хүнд боловсрол олгож эдүгээ 600 гаруй сурагчид, 30-аад багштай, тохилог сайхан байр байшин, тавлаг гэгээн орчин нөхцөлтэй орчин үеийн том сайхан сургууль болжээ.